Sumqayıtda baş verən yol qəzasında – 1 ölü, 4 yaralı

Bakı-Quba yolunda ölümlə nəticələnən yol-nəqliyyat hadisəsi baş verib. Avtosfer.az-ın APA-ya istinadən məlumatına görə, hadisə Bakı-Quba avtomobil yolunun 56-cı kilometrliyində, Sumqayıtın “Yaşma” yaşayış massivindən keçən hissəsində qeydə alınıb.  "Toyota RAV" markalı avtomobilini sürücüsü idarəetməni itirərək nəqliyyat vasitəsini aşırıb. Hadisə nəticəsində 1964-cü il təvəllüdlü Mirzəyeva Rəsmiyyə Zöhrab qızı aldığı xəsarətlərdən dünyasını dəyişib. Avtomobildə olan digər 4 nəfər isə xəsarət alıb.
Faktla bağlı araşdırma aparılır.