Sumqayıtda nişana məhəl qoymayan sürücü parka girib qəza törətdi - VİDEO

Sumqayıt şəhəri, Nərimanov küçəsində yol-nəqliyyat hadisəsi baş verib.

Avtosfer.az-ın məlumatına görə, qəza sentyabrın 2-də axşam saatlarında qeydə alınıb. Belə ki, hərəkətdə olan “BYD” markalı maşın yoldan çıxaraq parka girib. Hadisə şahidlərinin iddiasına əsasən, qəzaya səbəb sürücünün ərazidə quraşdırılmış yol nişanına diqqət etməməsi olub. Nəticədə o, anidən idarəetməni itirib və maşını öncə stop nişanına, ardınca parka daxil olaraq skamyəyə çırpıb. Hadisə zamanı sürücü xəsarət almasa da, avtomobilə ciddi maddi ziyan dəyib. Eyni zamanda yol nişanı və oturacaq yararsız hala düşüb. Qəzalı maşın evakuator vasitəsilə parkdan kənarlaşdırılıb. 

Qeyd edək ki, faktla bağlı araşdırma aparılır. 

Nərmin