Suraxanıda piyadanı maşın vurub

Bakının Suraxanı rayonu ərazisində piyadanın vurulması ilə nəticələnən yol qəzası baş verib. Avtosfer.az "Report"a istinadən xəbər verir ki, Duzlu göl istiqamətində hərəkətdə olan "Ford tranzit" markalı avtomobil 1985-ci il təvəllüdlü Vahid Nuriyevi vurub. Hadisəni törədən şəxs (adı-soyadı hələ ki, məlum deyil) yaralını dərhal 1 saylı Kliniki Tibbi Mərkəzə aparıb. Zərərçəkmiş hazırda döş qəfəsi və kəllə-beyin travması ilə Reanimasiya şöbəsinə yerləşdirilib.