Sürət yarışına çıxan sürücü qəza törətdi: 2 ölü, 3 yaralı - FOTO

Türkiyənin Adana vilayətində sürət yarışına çıxan sürücü əvvəlcə piyadaya, sonra da 2 avtomobilə çırpılıb.

Avtosfer.az Türkiyə mətbuatına istinadən məlumat verir ki, qəza nəticəsində 2 nəfər ölüb, 3 nəfər isə xəsarət alıb.

Sürücü hadisə yerindən qaçıb.

Qəzanı görən vətəndaşlar vəziyyəti tibb, polis və xilasetmə əməkdaşlarına bildiriblər.

Hadisə yerinə gələn xilasetmə əməkdaşları, deformasiyaya uğramış avtomobilin içində sıxışmış 4 nəfəri, maşının tavanını kəsərək xilas edib.

Tibb əməkdaşları yaralıları xəstəxanaya aparıblar.

Qəza da ağır xəsarətlər alan 1 nəfər xəstəxanada dünyasını dəyişib. Avtomobilin vurduğu piyada isə hadisə yerində ölüb.

Polis qaçan sürücünün axtarışlarına başlayıb.

Namiq