Sürücü TIR-ın altında qaldı: O, ağır xəsarətlər alıb - FOTO

Türkiyənin Şanlıurfa vilayətində idarəetmədən çıxan motosiklet yük maşınına çırpılıb. Avtosfer.az Türkiyə mətbuatına istinadən xəbər verir ki, çırpılmanın şiddətindən motosiklet metrələrlə sürüşüb. Nəticədə motosiklet sürücüsü TIR-ın altında sıxılaraq qalıb və ağır xəsarətlər alıb.

TIR sürücüsünün çağırışı ilə hadisə yerinə xilasetmə, tibb və polis əməkdaşları gəlib.

Motosiklet sürücüsü xilasedicilər tərəfindən sıxılıb qaldığı yerdən çıxarılıb.

Yaralıya ilkin tibbi yardım göstərildikdən sonra xəstəxanaya aparılıb.

Onun vəziyyətinin ağır olduğu bildirilib.

Polis qəza ilə bağlı araşdırmalara başlayıb.

Namiq