Şüvəlanda qəza: “Nissan” piyadaya yol verən “VAZ”a çırpıldı - VİDEO

Paytaxtın Xəzər rayonu, Şüvəlan qəsəbəsində yol-nəqliyyat hadisəsi baş verib.

Avtosfer.az-ın məlumatına görə, qəza iyulun 7-də günorta saatlarında qeydə alınıb. Belə ki, hərəkətdə olan “Nissan” markalı avtomobil 01-CX-574 dövlət qeydiyyat nişanlı “VAZ-2104” markalı nəqliyyat vasitəsi ilə toqquşub.

Şahidlərin iddiasına görə, qəzaya səbəb sürücülərdən birinin ara məsafəsini düzgün seçməməsi olub. Bildirilir ki, “VAZ-2104”ün sürücüsü piyada keçidindən keçən piyadaya yol vermək üçün avtomobili yavaşıdıb və bu zaman arxadan gələn “Nissan” ona çırpılıb.

Hadisə nəticəsində xəsarət alan olmasa da, hər iki nəqliyyat vasitəsinə maddi ziyan dəyib.

Qeyd edək ki, qəzadan sonra yolda bir müddət sıxlıq yaranıb.

Nərmin