Tailandda gəmi qəzası: 7 dənizçi itkin düşdü

Siam körfəzinin şərq hissəsində güclü fırtına səbəbindən batan balıqçı gəmisində ən azı yeddi nəfərin itkin düşdüyü bildirilir.

Avtosfer.az xəbər verir ki, bu barədə "Khaosod" qəzeti məlumat yayıb.

Nəşrin məlumatına görə, su nəqliyyatı vasitəsində ümumilikdə 20 heyət üzvü olub. Onlardan 13 nəfər xilas edilərək təhlükəsiz əraziyə təxliyə edilib. Qalan yeddi dənizçinin axtarışları isə hazırda davam etdirilir.

Bildirilir ki, axtarış-xilasetmə tədbirlərinə Tailand Hərbi Dəniz Qüvvələrinin 1-ci region komandanlığının şəxsi heyəti və digər balıqçı gəmiləri cəlb olunub. Dənizdəki kəskin dalğalanma və qeyri-sabit hava şəraiti xilasetmə işlərinin gedişatını əhəmiyyətli dərəcədə çətinləşdirir.