Tayvanda qırıcı təyyarə qəzaya uğradı: Ölənlər var - FOTO

Tayvan Hərbi Hava Qüvvələrinə məxsus "T-34" qırıcısı təyyarəsinin qəzaya uğraması nəticəsində iki pilot həlak olub.

Avtosfer.az xəbər verir ki, bu barədə ölkənin Müdafiə Nazirliyi məlumat yayıb.

Məlumata görə, hadisə iyunun 2-də yerli vaxtla 8:08-də (Bakı vaxtı ilə 04:08 - red.) təlim uçuşu zamanı baş verib.

Qeyd olunur ki, Qanşan aviabazasına məxsus təyyarə mühərrikin sıradan çıxması səbəbindən uçuş-enmə zolağının şimal hissəsində qəzaya uğrayıb.

Hadisənin səbəblərinin araşdırılması üçün xüsusi əməliyyat qrupu yaradılıb.