Tərtərdə tibb bacısını avtomobil vurub

Tərtər rayonunda piyadanın vurulması ilə nəticələnən yol-nəqliyyat hadisəsi baş verib. Avtosfer.az-ın "Report"a istinadən verdiyi məlumata görə, hadisə rayonun Qarağacı kəndi ərazisində qeydə alınıb. "Mercedes" markalı yük avtomobili Bərdə rayon sakini 64 yaşlı Xumar İsmayılova Qurban qızını vurub. Yaralı qadın Tərtər Rayon Mərkəzi Xəstəxanasına yerləşdirilib. Daha sonra vəziyyəti ağır olduğu Bərdə Rayon Mərkəzi xəstəxanasına çatdırılıb. Faktla bağlı araşdırma aparılır. Qeyd edək ki, xəsarət alan qadın Bərdə Rayon Mərkəzi Xəstəxanasında tibb bacısı işləyir.