Təyyarə beysbol meydançasına düşdü

ABŞ-ın Konnektikut ştatında yüngülmühərrikli təyyarə məktəbin beysbol meydançasına düşüb. Avtosfer.az-ın Trend-ə istinadən məlumatına görə, hadisə nəticəsində iki nəfər xəsarət alıb. Qeyd olunur ki, pilot təyyarə ilə məşğələ uçuşları keçirirmiş. Nəticədə idarəetməni itirən pilot təyyarənin düşməsinə səbəb olub. Xəsarət alanlar xəstəxanaya yerləşdirilib, onların həyatına təhlükə olmadığı deyilir.