Təyyarə qüş sürüsü ilə toqquşub

ABŞ-da "American Airlines" aviaşirkətinin təyyarəsi havaya qalxdıqdan sonra yenidən hava limanına qayıdıb. Avtosfer.az-ın Trend-ə istinadən məlumatına görə, Bostonda aeroportundan havaya qalxan təyyarə quş sürüsü ilə toqquşub və geri qayıdıb.

"Embraer 190" təyyarəsi Nyu-York şəhərinə yollanmışdı, göyərtəsində 99 sərnişin və 4 ekipaj üzvü olub.

Pilotun verdiyi məlumata əsasən, quşlardan təyyarənin mühərrikinə düşəni olmayıb, lakin kabinin şüşəsində qan izləri olub.

Sərnişinlərin digər reyslə Nyu-Yorka göndəriləcəkləri gözlənilir.