“Tottenhem”in futbolçuları “Ferrari” ilə qəzaya düşdü - FOTOLAR

“Tottenhem”in futbolçuları Randa Kolo Muani və Vilson Odober qəza keçirib. 

Avtosfer.az xəbər verir ki, bunu London klubunun baş məşqçisi Tomas Frank Çempionlar Liqasının qrup mərhələsinin son turunda Frankfurt “Ayntraxt”ı ilə keçiriləcək oyundan öncə mətbuat konfransında açıqlayıb. 

Çalışdırıcı bildirib ki, hadisə yanvarın 27-si futbolçuların oyun üçün Almaniyaya səfəri zamanı baş verib: “Hadisəyə səbəb təkərin partlaması olub. Bir qədər gecikmə oldu. Qəzada olan oyunçuların hər birinin vəziyyəti yaxşıdır”. 

Sosial şəbəkələrdə isə yazılanlara görə, Randa Kolo Muaninin “Ferrari”si zədələnib. Bu hadisə zamanı öz avtomobili ilə hərəkət edən digər futbolçu Vilson Odober komanda yoldaşına kömək etmək üçün dayanıb.

Qeyd edək ki, bu gün saat 00:00-da “Tottenhem” Çempionlar Liqasının qrup mərhələsinin son turunda Frankfurt “Ayntraxt”ı ilə qarşılaşacaq.