“Toyota” ilə “VAZ 2106” toqquşdu: 2 yaralı

Mingəçevirdə yol-nəqliyyat hadisəsi baş verib. Avtosfer.az-ın ONA-ya istinadən məlumatına görə, hadisə gecə saatlarında baş verib. "Sağ sahil" yaşayış massivində yerləşən yanacaqdoldurma məntəqəsinin yaxınlığında “Toyota” və “VAZ 2106” markalı minik avtomobilləri toqquşub. Qəza nəticəsində biri yüngül olmaqla iki nəfər müxtəlif dərəcəli bədən xəsarətləri alıb. Durumu daha ciddi olan Ruslan Əsgər oğlu Abdullayev xəstəxanaya yerləşdirilib. Xəsarət alan digər şəxsə isə yerindəcə tibbi yardım göstərilib.

Faktla bağlı araşdırma aparılır.