Tunelin çıxışında zəncirvari qəza: Üç avtomobil bir-birinə çırpıldı - VİDEO

Paytaxtın Sabunçu rayonu ərazisində, Böyükşor bulvarının yaxınlığında zəncirvari yol-nəqliyyat hadisəsi baş verib.

Avtosfer.az-ın məlumatına görə, qəza avqustun 13-də saat 10:30 radələrində tunelin çıxış hissəsində qeydə alınıb. Hərəkətdə olan iki “Toyota Prius” və bir “Chevrolet Cobalt” markalı avtomobilin toqquşması nəticəsində zəncirvari qəza baş verib.

İlkin məlumata əsasən, hadisəyə səbəb sürücülərdən birinin ara məsafəsini düzgün saxlamaması olub. Qəza nəticəsində hər üç avtomobilə maddi ziyan dəyib, xəsarət alan olmayıb.

Hadisə yerinə polis əməkdaşları cəlb olunub.

Qeyd edək ki, Böyükşor bulvarının yaxınlığındakı tunelin çıxış hissəsində yol qəzaları vaxtaşırı baş verir.

Faktla bağlı araşdırma aparılır.

Nərmin