Tunisdə turist avtobusu qəzaya uğrayıb: 5 ölü

Tunisin cənubundakı Matmata şəhərində bir turist avtobusunun qəzaya düşməsi səbəbindən azı beş nəfər ölüb, 10-u isə yaralanıb. Avtosfer.az "Report"a istinadən xəbər verir ki, bu barədə yerli "Mosaique" radiosu məlumat yayıb. Bildirilib ki, avtobus uşaqları ekskursiyaya aparırmış.  Avtobusun içərisində Medenin və Tatavin şəhərlərindən 28 nəfər olub. Hüquq-mühafizə orqanlarının verdiyi məlumata görə, sürücü idarəetməni itirib və avtobus dərəyə yuvarlanıb. Hadisə yerində xilasetmə işləri aparılır.