Türkiyədə avtobus aşdı: 21 nəfər yaralanıb - FOTO

Türkiyənin Samsun vilayətində xüsusi ictimai avtobusun aşması nəticəsində 21 nəfər xəsarət alıb.

Avtosfer.az HaberGlobal-a istinadla xəbər verir ki, qəza Çarşamba rayonunda sürücünün idarəetməni itirməsi nəticəsində baş verib. Yoldan çıxan avtobus aşıb.

Hadisə yerinə polis, xilasedicilər və təcili tibbi yardım briqadaları cəlb olunub.

Yaralılar ilkin tibbi yardımdan sonra ətrafdakı xəstəxanalara yerləşdiriliblər.

Faktla bağlı araşdırma aparılır.