Türkiyədə avtomobil qəzası: Onlarla şəxs yaralandı

Türkiyədə yol qəzasında onlarla insan xəsarət alıb.

Avtosfer.az xəbər verir ki, hadisə Bartında qeydə alınıb. Toydan qayıdan qonaqları daşıyan mikroavtobusun kiçik tutumlu yük avtomobili ilə toqquşması nəticəsində 3-ü uşaq olmaqla 19 sərnişin və sürücülər - ümumilikdə 21 nəfər yaralanıb.

Mikroavtobus toqquşmadan sonra zərbənin gücündən elektrik dirəyinə çırpılıb.

Hadisə yerinə təcili yardım və polis əməkdaşları cəlb olunub. Yaralılar Bartın Dövlət Xəstəxanasına aparılıb.

Qəza ilə bağlı araşdırma başlanıb.