Türkiyədə tələbələri daşıyan avtobus qəzaya uğrayıb, 19 nəfər xəsarət alıb

Türkiyənin Diyarbəkir şəhərinin Bağlar rayonunda tələbələri daşıyan avtobusla minik avtomobili toqquşub.

Bu barədə Avtosfer.az "Haber Global"a istinadən xəbər verir.

Məlumata görə, qəza nəticəsində 17 tələbə və daha 2 nəfər xəsarət alıb.

Hadisə yerinə təcili yardım, polis və jandarm əməkdaşları göndərilib. Yaralılar təcili yardımla şəhərdəki xəstəxanalara aparılıb.

Qəza ilə bağlı araşdırma aparılır.