Ucarda yol qəzası baş verib - FOTO

Ucarda xəsarətlə nəticələnən yol qəzası baş verib. Avtosfer.az-ın "Report"a istinadən verdiyi məlumata görə, hadisə gecə saat 04:00 radələrində Bakı-Qazax yolunun Ucarın Müsüslü kəndindən keçən hissəsində baş verib. Belə ki, "KAMAZ"ın sürücü 53 yaşlı Ağdərə sakini Əsgərov Ələmdar Qamboy oğlu Kürdəmir istiqamətində hərəkətdə olarkən ona arxadan gələn sürücü 34 yaşlı Salyan sakini Həmidov Vüqar Vidadi oğlunun idarə etdiyi "Mercedes" markalı minik maşını çırpılıb. Nəticədə "Mercedes"in sürücüsü müxtəlif növ bədən xəsarətləri alaraq Ucar rayon mərkəzi xəstəxanasına yerləşdirilib. Faktla bağlı aradırma aparılır.