Ucarda yol qəzasında 4 nəfər xəsarət alıb - FOTO

Ucarda yol qəzası olub, xəsarət alanlar var. Avtosfer.az-ın APA-ya istinadən xəbərinə görə, hadisə Bakı-Qazax əsas magistral yolunun rayonun Qaradağlı kəndindən keçən hissəsində baş verib.

"Hyundai" və "Ford" markalı avtomobillər toqquşub. Nəticədə 4 nəfər - 1991-ci il təvəllüdlü Şərqiyyə Fikrət qızı Quliyeva, 1993-cü il təvəllüdlü İlkin Əlişad oğlu Rəsulov, 1979-cu il təvəllüdlü Kamalə Mirzəhüseyn qızı Rəsulova və 1972-ci il təvəllüdlü Pərvanə Məhəmməd qızı Rəsulova xəsarət alıb.

Onlar Ucar Rayon Mərkəzi Xəstəxanasına yerləşdiriliblər.

Faktla bağlı araşdırma aparılır.