“Ural” aşdı: 5 ölü, 9 yaralı

Tacikistanda “Ural” markalı yük maşını aşıb. Avtosfer.az xəbər verir ki, hadisə dünən axşam saatlarında ölkənin cənubunda yerləşən Xatlon vilayətinin Baldjuvan rayonunda baş verib, bu barədə “RİA Novosti”yə yerli DİN mətbuat xidmətindən məlumat verilib.

Xidmətdən həmçinin bildirilib ki, yük maşını sərt yoxuşu qalxa bilməyərək aşıb və yük yerində olan sərnişinlər maşının altında qalı.

Qəza nəticəsində 5 nəfər ölüb, 9 nəfər isə xəsarət alıb.

Yaralılar rayonun müxtəlif xəstəxanalara yerləşdiriliblər.

Hadisə yerində polis əməkdaşları işləyir.

Namiq