Vanda avtomobil qəzası: Dörd nəfər yaralandı - FOTO

Türkiyənin Van vilayətində baş verən yol qəzasında 4 nəfər xəsarət alıb.

Avtosfer.az HaberGlobal-a istinadla xəbər verir ki, qəza Gürpınar rayonunda, Van-Hakkari avtomobil yolunun Çavuştepe məhəlləsi yaxınlığında qeydə alınıb. Minik avtomobilinin orta zolaqdakı maneəyə çırpılması nəticəsində 4 nəfər yaralanıb.

Hadisə yerinə təcili tibbi yardım, polis xilasedicilər cəlb olunub. Yaralılar ilkin tibbi yardımdan sonra xəstəxanaya çatdırılıb.

Faktla bağlı araşdırma aparılır.