Velosipedlə yola çıxan azyaşlı avtomobillə toqquşdu: Sürücü onu ölümdən xilas etdi - VİDEO

Bakıda azyaşlının iştirakı ilə baş verən yol-nəqliyyat hadisəsi kameraya düşüb.

Avtosfer.az xəbər verir ki, velosipedlə yola çıxan azyaşlı qarşıdan gələn avtomobilin hərəkət zolağına qəfil daxil olaraq qəzaya düşüb. Görüntülərdən aydın görünür ki, azyaşlı önünə diqqət yetirmədiyi üçün toqquşmadan yayınmaq mümkün olmayıb.

Avtomobilin sürücüsü təhlükəni əvvəlcədən hiss edərək nəqliyyat vasitəsini vaxtında saxlayıb. Lakin azyaşlı hərəkətini davam etdirərək gəldiyi sürətlə avtomobilə çırpılıb. Xoşbəxtlikdən hadisə xəsarətsiz başa çatıb.

Qanunvericiliyə əsasən, ümumi istifadədə olan avtomobil yollarında velosiped idarə etmək üçün şəxsin ən azı 14 yaşı olmalıdır. 14 yaşı tamam olmayan şəxslərin bu yollarda velosiped idarə etməsi qadağandır.

Fərid