Xaçmazda motosikletlə maşın toqquşdu: xəsarət alan var

Bu gün səhər saatlarında Xaçmaz rayonu ərazisində yol nəqliyyat hadisəsi qeydə alınıb. Avtosfer.az-ın APA-ya istinadən verdiyi məlumata görə, hadisə Xaçmaz-Quba yolunun 3-cü kilometrliyində, rayonun  Armudpadar kəndi ərazisindən keçən hissəsində baş verib. "Honda" markalı avtomobillə motosikletin toqquşması nəticəsində motosikletin sürücüsü müxtəlif bədən xəsarətləri ilə Xaçmaz Mərkəzi Rayon Xəstəxanasına yerləşdirilib. Onun vəziyyətinin orta ağır olduğu bildirilir. Faktla bağlı araşdırmalar davam etdirilir.