Xırdalanda “Hyundai” sürücüsü keçiddən keçməyən kişini vurub öldürdü - VİDEO

Bakı-Sumqayıt yolunun Xırdalan şəhəri ərazisindən keçən hissəsində piyada vurulması ilə nəticələnən qəza baş verib.

Avtosfer.az-ın məlumatına görə, hadisə avqustun 22-də axşam saatlarında qeydə alınıb. Belə ki, “Hyundai” markalı maşın yolun hərəkət hissəsindən keçən orta yaşlı kişini vurub. Hadisə yerinə Təcili Tibbi Yardım briqadası cəlb olunub. Lakin piyada aldığı zərbənin təsirindən hadisə yerində keçinib. Qəza nəticəsində yolda bir müddət sıxlıq yaranıb.

Qeyd edək ki, yaxınlıqda yerüstü piyada keçidi var.

Faktla bağlı araşdırma aparılır.

Nərmin