Yağışlı havada idarəetmədən çıxan avtobus aşdı: 2 ölü, 12 yaralı - VİDEO

Türkiyənin Muğla əyalətində yolun yağışlı və sürüşkən olması səbəbindən idarəetmədən çıxan sərnişin avtobusu aşıb.

Avtosfer.az “İHA”ya istinadən xəbər verir ki, hadisə Milas-Söke avtomobil yolunun Milasa Dövlət Xəstəxanası qovşağında qeydə alınıb.

Qəza nəticəsində 2 nəfər ölüb, 12 nəfər isə xəsarət alıb.

Ətrafdakı insanların xəbər verməsi ilə hadisə yerinə çox sayda səhiyyə, xilasetmə və polis briqadaları gəlib.

Yaralılar təcili tibbi yardım maşınları ilə ərazidə yerləşən müxtəlif xəstəxanalara yerləşdirilib.

41 nəfərin olduğu avtobusda, yüngül zədə alan digər sərnişinlərə ayaqüstə tibbi yardım göstərilib.

Polis qəza ilə bağlı araşdırmalara başlayıb.

Namiq