Yağışlı yolda sürüşən “Azsamand” dirəyə çırpıldı, yarısı “yoxa çıxdı” - ANBAAN VİDEO

Paytaxtın Mikayıl Useynov küçəsində (“Bayraq Meydanı”na gedən yolda) baş vermiş yol qəzası anbaan avtomobilin videoregistratoruna düşüb.

Avtosfer.az-ın məlumatına görə, hadisə oktyabrın 21-də səhər saatlarında qeydə alınıb. Görüntüdən aydın olduğu kimi, hərəkətdə olan “Azsamand” markalı maşın yağışlı yolda sürüşərək anidən idarəetmədən çıxıb və işıq dirəyinə çırpılıb. Zərbənin təsirindən səkiyə düşən avtomobilin bir hissəsi qopub. Hadisə şahidlərinin iddiasına əsasən, maşın tamamilə sıradan çıxsa da, sürücü yüngül bədən xəsarətləri alıb.

Qeyd edək ki, faktla bağlı araşdırma aparılır.

Nərmin