Yas mərasimindən qayıdanlar qəzaya düşdü: iki ailədən olan 6 nəfər yaralanıb - FOTO

Türkiyənin Amasya vilayətində yas mərasimindən qayıdan mikroavtobus, idarəetmədən çıxaraq yol kənarındakı ağaca çırpılıb. Avtosfer.az Türkiyə mətbuatına istinadən xəbər verir ki, qəza nəticəsində iki ailədən olan 6 nəfər xəsarət alıb.

Hadisə yerinə tibb, polis və xilasetmə əməkdaşları cəlb olunub.

Yaralılar Təcili Tibbi Yardım maşınları ilə Amasya Universiteti Sabunçuoğlu Şərəfəddin Təhsil və Araşdırma Xəstəxanasına aparılıb.

Onların vəziyyətinin normal olduğu bildirilib.

Polis qəza ilə bağlı araşdırmalara başlayıb.

Namiq