YDM-in qarşısında telefonla danışan yol polisini maşın vurdu – ANBAAN VİDEO

Türkiyənin Samsunun şəhərinin Çarşamba rayonunda yanacaqdoldurma məntəqəsində yol polisi əməkdaşının avtomobillə vurulması anı təhlükəsizlik kamerasına düşüb.

Avtosfer.az xəbər verir ki, hadisə Sarıcalı məhəlləsində yerləşən yanacaqdoldurma məntəqəsində qeydə alınıb. Məntəqəyə daxil olan sürücünün idarə etdiyi avtomobil telefonla danışan yol polisi əməkdaşına çırpılıb. Zərbənin təsiri ilə yerə yıxılan polis əməkdaşı xoşbəxtlikdən xəsarət almayıb və ayağa qalxaraq sürücüyə xəbərdarlıq edib.

Məlumata görə, hadisə ilə bağlı polis əməkdaşı sürücü barəsində hər hansı ittiham irəli sürməyib. Qəza anı yanacaqdoldurma məntəqəsinin təhlükəsizlik kamerası tərəfindən qeydə alınıb.

Eltac Zülfüqaroğlu