Yevlaxda iki avtomobil toqquşdu: xəsarət alan var

Yevlax rayonunda yol qəzası baş verib. Avtosfer.az-ın "Report"a istinadən məlumatına görə, hadisə Bakı-Qazax avtomobil yolunun Yevlax şəhər ərazisindən keçən hissəsində qeydə alınıb. Belə ki, "Mercedes" markalı yük maşını ilə "VAZ-2170" markalı minik avtomobili toqquşub. Nəticədə minik maşınının sürücüsü, Rusiya Federasiyasının Tümen vilayətində yaşayan, 1996-cı il təvəllüdlü Bəylər Mədət oğlu Balakişiyev müxtəlif dərəcəli bədən xəsarətləri ilə Yevlax Rayon Mərkəzi Xəstəxanasına yerləşdirilib. Yük maşınının sürücüsü isə ciddi xəsarət almayıb.

Faktla bağlı araşdırma aparılır.