Yevlaxda motosiklet sürücüsü qəza törədib, xəsarət alan var

Yevlaxda motosiklet sürücüsü qəza törədib. Avtosfer.az-ın "Report"a istinadən məlumatına görə, hadisə Yevlax şəhər Nizami küçəsində, 7 nömrəli məktəbin yaxınlığı qeydə alınıb. Yevlax rayon sakini, 1978-ci il təvəllüdlü Aşağı Qarxun kənd sakini Məmmədov Ramil Novruz oğlu Nizami Gəncəvi prospektində idarə etdiyi motosikletlə hərəkətdə olarkən idarəetməni itirərək "VAZ-21015" markalı avtomobilə çırpılıb. Qəza nəticəsində o özü müxtəlif bədən xəsarətləri alıb. Yaralı xəstəxanaya yerləşdirilib.

Faktla bağlı araşdırma aparılır.