Yük maşını qatarla toqquşub, yaralananlar var - FOTO

Avstriyada yük maşını ilə qatarın toqquşması nəticəsində azı dörd nəfər yaralanıb.

Avtosfer.az “Report”a istinadən xəbər verir ki, bu barədə xarici KİV məlumat yayıb.

Hadisə Veyz rayonunda baş verib.

Məlumata görə, xəsarət alanlardan biri – yük maşınının sürücüsünün durumu ağırdır. Azı üç sərnişin isə yüngül xəsarət alıb.

Qeyd olunub ki, hadisə nəticəsində yük maşını tamamilə yanıb.

Əraziyə 70-dən çox yanğınsöndürən cəlb olunub.