Yük maşını qəzaya uğradı: 14 ölü

Uqandanın Pakvaç dairəsində təxminən 30 nəfəri daşıyan yük maşını qəzaya uğrayıb. Avtosfer.az-ın Trend-ə istinadən məlumatına görə, qəza nəticəsində azı 14 nəfər həlak olub, bir neçə nəfər isə yaralanıb. Yaralananlar xəstəxanalara yerləşdirilib. Məlumata əsasən, ölənlərin sayı arta bilər, çünki xəsarət alanların əksəriyyətinin vəziyyəti ağırdır. Bildirilir ki, qəza yük maşının sürücüsünün idarəetməni itirməsi səbəbindən baş verib.