Yük qatarı relsdən çıxıb

Kanadanın Manitoba əyalətində təmizlənməmiş neft daşıyan qatar relsdən çıxıb. Avtosfer.az-ın Trend-ə istinadən verdiyi məlumata görə, "CN" nəqliyyat şirkətinə məxsus olan qatarın 40 vaqonu relsdən çıxıb. Vinnipeqa şəhərindən 300 kilometr şimal-qərbdə baş verən qəza nəticəsində 37 vaqondan neft axıb və hazırda ərazinin təmizlənməsi işləri aparılır. Qeyd edilir ki, qəza nəticəsində xəsarət alan olmayıb.