Zabratda piyadanı maşın vurub

Bakının Sabunçu rayonunda piyadanın vurulması ilə nəticələnən yol-nəqliyyat hadisəsi baş verib. Avtosfer.az-ın "Report"a istinadən məlumatına görə, 2005-ci il təvəllüdlü Bayramov Elmuraz Rafiq oğlu Zabrat qəsəbəsində məscidin yanında yolu keçərkən onu maşın vurub. Hadisəni törədən sürücü yaralını dərhal 3 saylı Klinik Tibbi Mərkəzə çatdırıb. Xəstəyə kəllə-beyin travması diaqnozu qoyulub. Yaralı daha sonra Neyro-Cərrahiyə Xəstəxanasına aparılıb. Onun vəziyyəti ağırdır.