Zaqatalada 5 yaşlı uşaq “Kamaz”ın altında qalaraq ölüb

Zaqatalada 5 yaşlı uşağın üstündən “Kamaz” markalı yük avtomobili keçib. Avtosfer.az-ın məlumatına görə, hadisə axşam saatlarında rayonun Muxax kəndində baş verib.

Belə ki, 5 yaşlı Elman Məcid oğlu Şeyxəliyev “Kamaz” markalı yük avtomobilin altında qalıb.

Hadisə zamanı müxtəlif dərəcəli ağır bədən xəsarətləri alan E. Şeyxəliyev Zaqatala Rayon Mərkəzi Xəstəxanasının (RMX) Cərrahiyyə Korpusuna yerləşdirilib.

Azyaşlı xəstəxanaya daxil olduqdan bir qədər sonra dünyasını dəyişib.

Faktla bağlı Zaqatala Rayon Polis Şöbəsində araşdırma aparılır.