Zərdabdakı qəzada yanaraq ölən müəllim Vətən müharibəsi iştirakçısı imiş - FOTO

Xəbər verdiyimiz kimi, Zərdab rayonunda ailə üzvlərinin yanaraq ölməsi ilə nəticələnən yol-nəqliyyat hadisəsi baş verib. 

Avtosfer.az unikal-a istinadən xəbər verir ki, qəzada yanaraq həyatını itirən sürücü Elyar Məhəmmədov Zərdab rayonu Məmmədqasımlı kənd tam orta məktəbin riyaziyyat müəllimidir.

1989-cu il təvəllüdlü Elyar həm də Vətən müharibəsi iştirakçısı olub.

Qeyd edək ki, ötən gecə 77-BF-554 seriyalı "KİA" markalı minik avtomobili traktorla toqquşduqdan sonra alışaraq yanıb.

Qəzada minik avtomobilinin sürücüsü 1989-cu il təvəllüdlü Elyar Qalib oğlu Məhəmmədov, 1954-cü il təvəllüdlü Qalib Soltan oğlu Məhəmmədov, 1981-ci il təvəllüdlü Susanna Namizəd qızı Məhəmmədova, 1956-cı il təvəllüdlü Səkinə Sədulla qızı Məhəmmədova və 1979-cu il təvəllüdlü Mehriban Zabit qızı Kərimova yanaraq ölüblər.

1997-ci il təvəllüdlü Reyhan Nəsib qızı Məhəmmədova isə hadisə zamanı xəsarət alıb.

Faktla bağlı araşdırma aparılır.