2026-cı ildən sonra "Formula-1"in təqvimində dəyişiklik olacaq

"Formula-1"in Niderland mərhələsi 2026-cı ildən sonra çempionatın təqvimindən çıxarılacaq.

Avtosfer.az xəbər verir ki, bunu yarışın təşkilatçıları açıqlayıb.

Zandfort avtodromunun 2026-cı ildə də yarışı qəbul etməsi ilə bağlı birillik müqavilə imzalanıb. Həmin yarışdan sonra Niderland Qran-prisi "Formula-1"in təqvimini tərk edəcək.

Qeyd edək ki, Zandfort avtodromu 1952-85-ci illərdə də qısa fasilələrlə çempionatın milli mərhələsini qəbul edib. 2021-ci ildən təqvimə qayıdan Niderland Qran-prisinin ilk üç ilində Maks Ferstappen "doğma divarlar" arasında qalib olubsa, 2024-cü ildə Lando Norris finişə birinci çatıb.