ABŞ-İran qarşıdurması Formula-1 yarışlarına da təsir etdi

Yaxın Şərqdəki qarşıdurma Formula-1 yarışlarının cədvəlinə də təsir edib. 

Avtosfer.az xəbər verir ki, Avstraliyada keçirilən yarışların qrafikində dəyişiklik olmayıb. Lakin texniki heyətin qitəyə getməsində ciddi çətinliklər olub.

Beynəlxalq Avtomobil Federasiyasının ilin əvvəlindəki proqramına görə birinci yarışlar martın 28-də Qətərin Losal şəhərindəki trekdə keçirilməli idi.

Siyasi və hərbi vəziyyətə görə artıq birinci yarış İtaliyanın Limola şəhərində aprelin 19-da baş tutacaq. Qətər rallisinin vaxtı yaxın aylarda müəyyən ediləcək.

Çində (13-15 mart) və Yaponiyada (27-29 mart) keçiriləcək yarışlarla bağlı çətinlik yoxdur. Lakin Bəhreyn (10-12 aprel) və Səudiyyə Ərəbistanı (17-19 aprel) ralliləri ilə bağlı vəziyyət qeyri-müəyyəndir. Beynəlxalq Avtomobil Federasiyasının prezidenti Məhəmməd bin Sulayem bildirib ki, Yaxın Şərq ölkələrində keçiriləcək yarışların vaxtı və yeri təhlükəsizlik vəziyyətindən asılı olacaq.

Vüqar