Azərbaycan Qran-Prisinin müddətinin uzadılması ilə bağlı danışıqlar başlandı

Azərbaycan Qran-Prisinin müddətinin uzadılması ilə bağlı danışıqlara başlanılıb. Avtosfer.az xəbər verir ki, bu barədə oxu.az-a “Bakı Şəhər Halqası” Əməliyyat Şirkətinin (BŞH) Marketinq və Kommunikasiya Departamentinin rəhbəri Nigar Arpadarai bildirib. BŞH rəsmisi vurğulayıb ki, FOM ilə bağlanılacaq yeni müqavilənin müddəti bilinmir: “Hazırda 2025-ci ilədək müddəti əhatə edən yeni müqavilə ilə bağlı danışıqlar gedir”. Qeyd edək ki, gələn mövsümün ilkin təqvimində Azərbaycan Qran-Prisinin 26-28 apreldə təşkili nəzərdə tutulub.