“Bakıdakı trasa heç yerdə rast gəlmək mümkün deyil”

“Bakıda olan trasa başqa ölkələrdə rast gəlmək mümkün deyil”. Avtosfer.az Trend-ə istinadən bildirir ki, bunu "Moskva-Baku"ya müsahibəsində "Formula 2"nin "Russian Time" komandasının pilotu, "Formula 1"in test-pilotu Artyom Markelov deyib. "Ən birinci yarışdan buradayam, iştirak etmək üçün üçündü dəfə gəlirəm. Deyərdim ki, hər şey iki il əvvəl olduğu kimi yüksək səviyyədədir. Təşkilatçılar trassı tez və keyfiyyətli təşkil etməyi bacarırlar", - deyə Markelov bildirib. Onun sözlərinə görə, Bakı trassı başqalarından özünün ab-havası və sürətli döngələri ilə fərqlənir: "İçərişəhərdə döngələr kifayət qədər dardır, özünəməxsusdur. Belələrinə başqa ölkələrdə rast gəlmək mümkün deyil. Lakin onlara artıq öyrəşmişik, trassdan nə gözləmək lazım olduğunu bilirik".