"Bəzi sürücülər, avtomobil sahibləri bundan istifadə edirlər" - Elməddin Muradlı

“Dünyanın bir çox ölkələrində cərimə meydançalarında nəqliyyat vasitələrinin saxlanılması ilə bağlı qaydalarda konkret müddət müəyyənləşdirilir”.

Bunu nəqliyyat eksperti Elməddin Muradlı deyib.

O vurğulayıb ki, həmin müddətdə vətəndaş öz avtomobilinə sahib çıxmırsa və yaxud avtomobillə bağlı hər hansı bir problemi həll etmirsə, dövlət həmin avtomobili müsadirə edir. Daha sonra ya satışa çıxarılır, yaxud da yararsızdırsa, metaləritmə sexlərinə göndərilərək məhv edilir. Ancaq Azərbaycanda qaydalar bir az fərqlidir. Ona görə də bəzi sürücülər, avtomobil sahibləri bundan istifadə edirlər:

“Hesab edirəm ki, belə olmamalıdır, çünki düzgün yanaşma deyil. Ümumilikdə, düşünürəm ki, vətəndaşın bu məsələyə yanaşması qanunvericilik səviyyəsində olmalıdır: “Qanunvericilikdə göstərilir ki, hər bir nəqliyyat vasitəsi duracaqda saxlanılırsa onun hər gününə görə ödəniş hesablanır. Bir çox vətəndaşlar bundan xəbərsizdir, hələ də xəbərsiz qalır və yaxud, bəzi adamlar bunu mənəvi məsələlərə bağlayırlar”./525.az