"Formula-1": "McLaren" vaxtından əvvəl Mühəndislər Kubokunu qazana bilər

"McLaren"in "Formula-1" komandası 2025-ci il mövsümündə Mühəndislər Kubokunu vaxtından əvvəl qazana bilər.

Avtosfer.az xəbər verir ki, bu, sabah baş tutacaq Sinqapur Qran-prisi nəticəsində mümkündür.

Britaniya kollektivinin kuboku ardıcıl ikinci dəfə qazanması üçün komandanın pilotları Oskar Piastri və Lando Norrisin əsas yarışda 13 xal toplamaları kifayətdir - bu uğur komandanın tarixində 10-cu olacaq (daha çox yalnız "Ferrari" qazanıb - 16 dəfə).

17 mərhələdən sonra "McLaren"in 623 xalı var. İkinci yerdə olan "Mercedes" 290 xal, üçüncü olan "Ferrari" isə 286 xala sahibdir. "Red Bull" 272 xalla dördüncü yerdədir.