Qayda pozub saxlanıldı: sərxoş sürücüdən silah aşkarlandı - Şəkidə

Şəkidə avtomobildən silah aşkarlanıb. DİN-dən Avtosfer.az-a verilən məlumata görə, Şəki şəhəri ərazisində yol hərəkəti qaydalarını pozduğuna görə “Ford” markalı avtomobil Yol Patrul Xidmətinin əməkdaşları tərəfindən saxlanılıb. Sürücü Orta-Zəyzid kənd sakini Xanoğlan Babayevin sərxoş olduğu müəyyən edilib və avtomobil mühafizə olunan duracağa yerləşdirilib. Polis əməkdaşları tərəfindən avtomobildən müvafiq sənədləri olmayan “TOZ-16” markalı tüfəng və 4 ədəd patron aşkar edilərək götürülüb. Faktla bağlı araşdırma aparılır.

Namiq