Sürücü bu yolayrıcında hansı istiqamətlərə hərəkət edə bilər? - DOĞRU CAVAB

Avtosfer.az saytı yol nişanları ilə bağlı yeni sualı təqdim edir.

Sürücü burada hansı istiqamətə hərəkət edə bilər?

1) Yalnız düzünə

2) Düzünə və sağa

3) Yalnız sağa

4) Düzünə, sağa və sola

Doğru cavab: 1) Yalnız düzünə

İzah: Təqdim etdiyimiz fotoda sağda düzünə və sağa hərəkəti bildirən daimi yol nişanı, yolun mərkəzində isə yalnız düzünə hərəkəti bildirən müvəqqəti yol nişanı quraşdırılıb. "Yol hərəkəti haqqında" qanunun 61-ci maddəsinə əsasən, müvəqqəti yol nişanlarının tələbləri ilə daimi yol nişanlarının, nişanlama xətlərinin və digər texniki vasitələrin tələbləri arasında ziddiyyət və ya uyğunsuzluq olarsa, müvəqqəti yol nişanlarına üstünlük verilməlidir.

Qanunvericiliyin bu tələbinə görə, sürücü

yalnız düzünə hərəkət etməlidir.

Sualın ilk düzgün cavabını verən Araz adlı oxucumuz “VQ LUBE” yağları tərəfindən yağdəyişmə və yağ filtri kuponu qazandı. 

Oxucumuzu Avtosfer.az saytı adından təbrik edirik!

Hədiyyəni əldə etmək üçün 055-491-36-86 nömrəsi ilə əlaqə saxlamağınız tövsiyə olunur.