Sakinləri təngə gətirən kənd yolları - VİDEO

Zərdab rayonunun Burunlu kənd sakinləri bərbad vəziyyətdə olan kənd yolundan şikayətçidirlər.

Dediklərinə görə, uzun illərdi ki, avtomobil yolunda heç bir təmir-bərpa işləri aparılmayıb.

Avtosfer.az-ın məlumatına görə, sakinlər bildirirlər ki, 10 il bundan əvvəl kənd sakinləri tərəfindən yola çınqıl tökülüb. Artıq o da palçıqda itib-batıb. Yolun bu vəziyyətdə olması isə sürücülərin işini əngələ salıb.

Burunlu kənd inzibati ərazi dairəsi üzrə icra nümayəndəsi Şamo Hüseynov bildirib ki, ümumi uzunluğu 24 kilometr olan Məlikli, Burunlu, Qoruqbağı və Sarı Qaya yolunun bərbad vəziyyəti ilə bağlı müvafiq qurumlara müraciət edilib. Yolun təmiri gələn ilin dövlət proqramına salınıb. Vəsait ayrılan kimi yolların təmirinə başlanacaq.

Daha ətraflı videomaterialda.