Bu yolda hərəkətin təşkilində dəyişiklik edilir - Sağa dönmək olacaq - RƏSMİ - VİDEO

Bakıda Biləcəri enişi, Yahya Hüseynov və Rəşid İsmayılov küçələrinin kəsişməsində sürücülərin hərəkət istiqamətində dəyişiklik edilib.

Avtosfer.az xəbər verir ki, bunu AYNA-nın Yol hərəkətinin təşkili şöbəsinin müdiri Samir Məhərrəmov bildirib. Qeyd edib ki, əvvəllər həmin ərazidə nişan var idisə də, sağa dönmə istiqaməti və xətlərin yenilənməsindən sonra sürücülərin yalnız sağa dönməsi məcburi olub, düzünə hərəkət qayda pozuntusu sayılır.

Samir Məhərrəmov əlavə edib ki, vətəndaşlardan daxil olan müraciətlər əsasında layihənin icrasına başlanıb. Sürücülərin körpünün altından Bakıya qayıtması ilə bağlı əvvəlki çaşqınlıq aradan qaldırılıb və artıq həmin istiqamət üzrə nəqliyyatın hərəkətinə düzgün nizam verilib.

AYNA rəsmisi bildirib ki, “Ekologiya postu”nun üstünlük olan istiqaməti də nəzərə alınaraq sürücülər yalnız icazə verilmiş yoldan istifadə edəcək. Əraziyə svetofor quraşdırılması işləri isə yaxın 2-3 həftə ərzində başa çatdırılacaq.

Müvafiq dəyişikliklərin tətbiqi ilə sürücülər üçün təhlükəsiz hərəkət şəraiti yaradılır və yol-nəqliyyat hadisələrinin riskinin azaldılması nəzərdə tutulur.

Eltac Zülfüqaroğlu