Nişanlar arasında ziddiyət: Biri dayanmağı qadağan edir, digəri icazə verir - FOTO

Bakıda quraşdırılan yol nişanları sürücüləri çaş-baş salıb. Avtosfer.az xəbər verir ki, söhbət paytaxtın Ələsgər Ələkbərov küçəsindən gedir.

Belə ki, yolun kənarına həm dayanma-durmanı qadağan edən 3.27 nişanı, həm də parklanma yerini bildirən 5.15 nişanı quraşdırılıb.

Qeyd edək ki, nişanların bu formada təşkil edilməsi düzgün hesab edilmir. Parklanma yerinə kimi dayanma-durma təhlükəli hesab edilirsə, o zaman 3.27 nişanı başqa üsullarla quraşdırılmalıdır. Bu üsullardan biri, dayanma-durmanı qadağan edən 3.27 nişanının 7.2.3 lövhəciyi ilə tətbiqidir. Bu lövhəcik qadağanedici nişanın qüvvəsinin başa çatdığı geri göstərir. Yəni, 3.27 nişanı 7.2.3 lövhəciyi ilə birlikdə qoyulmuşdursa, bu nöqtədə həmin qadağan edən nişanın qüvvəsi başa çatır. Bundan sonra parklanma yerini bildirən 5.15 nişanının quraşdırılması tam qaydalar çərçivəsində olacaqdır.

Fərid