DYP bu məktəbdə "Uğurlu yol" adlı tədbir təşkil etdi - FOTOLAR

Bakı Şəhər Dövlət Yol Polisi İdarəsi və 1 nömrəli Uşaq-Gənclər İnkişaf Mərkəzinin birgə fəaliyyət proqramına uyğun olaraq tədbir keçirilib.

Avtosfer.az xəbər verir ki, 318 nomrəli tam orta məktəbin ibtidai sinif şagirdlərinin iştirakı ilə baş tutan “Uğurlu yol“ adlı maarifləndirici tədbirdə məktəblilərə yol hərəkəti qaydaları haqqında məlumatlar verilib. Onlara yolda daha diqqətli olmaları tövsiyə edilib. Uşaqların ifasında səslənən mahnılar, rəqslər, səhnəciklər maraqla qarşılanılıb.

Tədbirin keçirilməsində məqsəd, uşaq və yeniyetmələrin iştirakı ilə yol-nəqliyyat hadisələrinin qarşısının alınması istiqamətində profilaktik tədbirləri gücləndirmək, eləcə də uşaqlara təhlükəsiz davranış vərdişlərini aşılamaqdır.   

Tədbirdə Bakı Şəhər Dövlət Yol Polisi İdarəsinin polis kapitanı Pərvanə Muradova, 1 nömrəli Uşaq-Gənclər İnkişaf Mərkəzinin əməkdaşları, 318 nömrəli məktəbin direktoru, müəllimləri və uşaqlar iştirak edib.

Səfər