Halı pisləşən qocaya yol polisi kömək etdi - VİDEO

Polisin bu hərəkəti sosial şəbəkələrdə təqdirlə qarşılanıb. Belə ki, yolda halı pisləşən yaşlı şəxsin köməyinə ərazidə xidmət aparan yol polisi əməkdaşı yetişib.

Avtosfer.az xəbər verir ki, hadisə zamanı yaşlı şəxs səhhətində yaranan qəfil problem səbəbindən yerə yıxılıb. Ətrafda olan vətəndaşlar dərhal təcili tibbi yardıma xəbər versələr də, hadisə yerinə ilk çatan polis əməkdaşı olub. Yasamal rayon DYP şöbəsinin əməkdaşı yaşlı insana ilkin tibbi yardım göstərib, vəziyyətini nəzarətdə saxlayıb və təcili yardım gələnə qədər onunla maraqlanaraq vəziyyətin ağırlaşmasının qarşısını alıb.

Sosial şəbəkə istifadəçiləri hadisəyə münasibət bildirərək qeyd ediblər ki, bu, polis-vətəndaş münasibətlərinin humanist yanaşmaya əsaslandığının bariz nümunəsidir.

Eltac Zülfüqaroğlu